蘆筍沙拉 【健康素食】

參考Day Day Cook 網站介紹, 簡單又好味的菜式,  一定要試下：

材料

680克         蘆筍

4克         糖

1茶匙     黑芝麻

沙拉醬汁材料

5毫升     芥辣

30毫升    花生油

15毫升    麻油

15毫升    白醋

5毫升        蘋果醋

做法

1.    將蘆筍頭尾硬的部分除去，並切段。

2.    在碗內，將醬汁材料混合。

3.    於滾水中加糖，灼蘆筍至鮮綠，然後過冷水。

4.    瀝乾及於蘆筍面淋上醬汁。

5.    把材料混合醬汁，撒上黑芝麻，即成！

轉載自DayDayCook

芝士雜菌炒蛋 (健康素菜)

第一次喺出面食完之後, 自己喺屋企試下整既菜色, 味道梗係唔及原創咁好味, 事關我一定唔加味精同少鹽, 整過兩次, 第一次老公既comment係好食, 第二次就no comment, 莫非我水準一次不如一次?! 自己comment係：不太滿意, 下次可以更好！:D

材料
雞蛋 4-5只
雞脾菇 1件 (切粒)
洋葱半個 (切粒)
椰菜/ 西芹少許 (切粒)
葱粒少許
芝士一片(切小片)


做法
1) 雞蛋打勻, 備用；
2) 除雞蛋, 及芝士外, 把所有材料下煱炒, 加少許鹽, 炒至熟透後盛起, 加入蛋漿內, 把芝士片加入拌勻；
3) 燒滾油, 下蛋漿, 不要炒散, 煮至蛋漿開始凝固, 才慢慢反至另一面, 收細火, 至蛋漿至表面凝固即可。

Add caption

XO醬炒椰菜

簡单又有益的家常小菜

材料
椰菜  1 個
木耳  几片(切細塊)
蒜茸 1湯匙

調味
XO醬 1湯匙
生抽  2茶匙
糖 1茶匙
生粉  1茶匙
水 4-5湯匙

做法
1) 木耳可先浸軟, 如厚身的木耳可放入滾水內煮一會, 盛起備用。
2) 先下油落易潔鍋, 開火, 下木取、椰菜, 加半碗水, 蓋上鍋蓋煮至有煙冒出；
3) 打開蓋下調味, 炒一會即成。

芽菜炒肉碎

芽菜炒肉碎

味簡單的家常便飯：


材料
免治肉    超市一盒裝
芽菜       半斤
木耳        40g

醃料
生抽 2湯匙
糖     1茶匙
水     4湯匙
生粉 1茶匙
麻油  少許

調味
蚝油 2湯匙
水  4-6湯匙
糖  1茶匙


做法

1) 免治肉用醃料醃30分鐘, 備用；
2) 木耳切小塊, 用水浸至軟身漲大后, 加入燒滾的水煮一會, 盛起備用；
3) 燒滾油, 下免治肉, 先不要用煱產炒散, 待一面煮至轉色后才反轉另一面再煎, 兩面轉色后才炒散肉碎至全部炒熟；
4)  接著下木耳, 芽菜, 炒一會后再落調味；
5) 煮至差不多收水, 上碟即成。

焗辣味鷄翼 (附食譜)

材料

鷄翼 12只

調味

生抽 2tbsp
糖 1tsp
豆辦醬 3tbsp

做法

1) 把鷄翼淨, 吸干水份, 把調味均勻塗上鷄翼, 醃20分鐘；同時把焗炉預熱至180度。

2) 在烤盆上鋪上焗炉錫紙, 把1)的鷄翼連汁倒在烤盆上, 再把錫紙對接, 把鷄翼封住。

3) 放入預熱的焗炉, 用180度焗20分鐘即成。

糖醋排骨【簡易食譜版】

今次呢個食譜係參考咗簡易食譜果個糖醋排骨食譜, 比上次的糖醋排骨好味好多, 甜酸適中, 雖然做法有啲唔同, 不過味道真係頂瓜瓜！ 我老公尤其鍾意個醬汁, 用來佐飯認真一流。

材料
排骨

醃料
生抽1湯匙
糖 1茶匙
生粉 1 茶匙

献汁

紹興酒  1湯匙
生抽 2 湯匙
白糖 3 湯匙
醋 4 湯匙
水 5 湯匙


做法

1, 排骨用醃料醃一會

2, 醃過之排骨煎香兩面, 再下献汁, 待献汁滾后, 轉慢火, 煮至汁收少, 排骨熟透, 亦可加少少生粉, 加快汁起稠, 即成。



食譜來自: 簡易食譜

豉椒炒蜆(簡易版) 【附食譜】

呢個炒蜆真係超簡單, 懶人啱晒, 我只係聽咗表妹up兩句, 就可以做到, 聽佢講, 原來食譜來自都市閒情既Annie, 我平時都好鍾意睇佢介紹咖, 今次又學到野。

材料
在超市買的蜆一包 (已清洗乾淨, 唔駛自己洗)
蒜茸 隨意
豆豉 (我用蒜茸豆豉醬代替)
辣椒絲  隨意 (我唔食辣, 所以冇加)

調味
豆辦醬 1tbsp
蒜茸豆豉醬 1tbsp
生抽 2 tsp
糖 1/2 tsp
水 100ml
紹興酒 少許


做法
1) 蜆先用洗水沖一沖, 用滾水灼一灼, 盛起；
2) 開鍋下油, 下蒜茸, 豆豉, 辣椒, 蜆，再加調味同炒, 炒至所有蜆開口即可上碟。



第一次做老公都讚好食，唯一美中不中係有啲蜆好似唔係好夠熟，所以可以炒耐啲都唔緊要。

備註：調味既份量是個人喜好，可隨意加減。

菜心炒牛肉 【附食譜】

這個小時候常吃的菜式, 自少已在廚房偷看爸爸媽媽弄, 不知怎樣, 現在郤什少吃, 可能是太普通吧！偶爾心血來潮郤想懷舊一下, 弄了這味媽媽傳授的菜式。

材料

菜心  12兩
牛肉 80-100g
蒜茸  適量

醃料

生抽 2 tsp
糖 1/2 tsp
生粉 1tsp

調味

鹽 1 tsp
水 60ml

做法

1)  菜心去花, 浸水洗淨, 分開菜莖和葉, 備用；
2)  牛肉用醃料醃30分鐘；
3)  下油, 下牛肉, 待一會, 反另一边至兩面轉色, 快炒一會, 盛起備用；
4)  下蒜茸,先下菜莖,炒一會, 再下菜葉,炒一會, 下水, 冚蓋, 至有煙冒起, 起蓋, 下鹽, 至所有菜熟, 最後下牛肉, 快炒, 盛起即成。

香煎檸檬魚柳 【天然調味】 Pan Fried Lemon Fish

今日整完真係忍唔住要立即post上黎, 原來用檸檬汁煎魚柳, 係咁好味,今次係用全天然調味,健康之餘, 味道仲十分好, 難怪一向唔多Like食魚既老公都食咗唔少。

材料

龍脷柳 或 鯰魚柳 2片
檸檬汁 半個
蒜茸   2湯匙
黑胡椒  適量

做法

1) 加適量油, 燒熱易潔鑊；
2) 下蒜茸后加入魚柳, 再加檸檬汁；
3) 把魚柳煎約4-5分鐘至熟透。
4) 魚柳面上洒少量黑胡椒。



呢個食譜係來自某期既《親子王》

糖醋排骨 【附食譜】

突然好想食糖醋骨, 咁啱係超市買咗盒排骨, 即管試下, 今次完全跟足网上個食譜做, 味道嫌濃過頭, 我比較鍾意清清地, 唔好太甜, 下次要將份量減半先。

材料
排骨  超市包裝一盒


醃料
砂糖     小許
豆粉     小許
生抽     小許



汁料 (略嫌太甜, 喜歡淡味的可減少份量)
鎮江醋  2湯匙
水        1湯匙
茄汁     4湯匙
糖        2湯匙
豆粉     2茶匙
鹽        1/4茶匙


做法
1. 排骨洗淨, 加入醃料醃最小半小時
2. 煎排骨至輕微金黃及熟透
3. 加入汁料煮至熱透即可


參考食譜

甜酸豬柳 (附食譜)

以前很喜歡吃甜酸的餸菜, 自從戒了吃酸后, 也很少煮甜酸的菜式。這個菜佐飯真好,

間唔中食吓也不妨。

材料

豬柳  超級市場包裝一包 (多少隨意)
菠蘿  3大片 (罐頭圓片)
蕃茄   1大個
西蘭花  4-5小棵 (或可加其他菜)

醃料

生抽  1tbsp  糖 1tsp  生粉 1tsp  麻油 1tsp

調味汁

茄汁 20g
砂糖 1tsp
醋  1/2 tsp
生抽  1tsp
水  2-4tbsp

茨汁

生粉 1tsp   水 2tbsp

做法

1) 豬柳用醃料醃約30分鍾 ， 菠蘿隔去糖水, 切小片；蕃茄洗淨切件。
2) 下油, 燒熱鍋, 下豬柳, 不要炒, 先煎香一面后, 才反轉另一面, 兩面轉色后才炒；
3) 接著下菠蘿、蕃茄及西蘭花, 炒一會, 下調味汁,煮至材料轉淋, 若多汁可加茨汁, 煮至稠身即成。

肉碎薯絲炒粉絲

早幾日買左一包三個薯仔, 可以煮三餐, 用黎切絲炒肉碎最正, 煮起上黎又爽口, 又好味, 同女女講話係食薯條, 佢當正薯條咁食, 不知幾Like, 這個健康版薯條, 小朋友食多多都唔怕。

材料

薯仔一個 (切絲)
免治肉  100g
粉絲一包
九菜花  3-4條
蒜茸  少許
水半碗


醃料

鼓油 1tsp/ 糖 0.5tsp/ 生粉 1tsp/ 麻油 適量


調味

鼓油 1tbsp / 水 4tbsp/ 糖 1tsp


做法

1) 薯仔去皮切絲後, 放入加了白醋的水中浸20分鐘, 然后以以水沖洗備用。
2) 免治肉用醃料醃30分鐘。
3) 粉絲用凍開水浸至軟身。九菜花切段。
4) 燒熱油鑊, 下蒜茸, 下肉碎, 炒至變色后再下薯絲, 炒一會,下粉絲, 加水, 至薯絲炒至軟身, 最后下九菜花, 下調味, 煮至收水后即成。

備註

薯仔去皮切開後, 放入白醋水浸, 可避免變黑, 再沖洗, 炒時就不會黏在一起。


其他薯仔/ 免治肉食譜
京醬炒薯絲
清蒸肉碎豆腐
煎薯餅
肉碎煎蛋角
五色炒免治肉
洋葱蕃茄免治肉



如何令馬鈴薯不變黑?

南瓜雜菌炒瘦肉

材料

瘦肉 200g (切片)

南瓜 半個 (切片)

金菇 100g

花菇 (切小片)/ 秀珍菇 100g

小唐菜 隨意

調味

生抽 1tsp

水 5tbsp

糖 1/2 tsp

醃料

生抽 1tsp/ 糖1/2tsp/ 生粉 1tsp/ 麻油 1tsp

做法

1) 瘦肉加醃料醃30mins；

2) 小唐菜加入滾水煮熟, 盛起備用；

3) 下油下瘦肉煎一會, 再反轉背面再煎一會, 煎至金黃, 炒勻；

4) 加入南瓜, 加少許水, 冧蓋, 煮一會, 至南瓜煮淋,

5) 加入金菇/ 花菇/ 秀珍菇, 再加入調味, 煮至收水, 盛起上碟, 最後把菜圍邊, 即成。

老少平安

今日跟網上的食譜造了老少平安, 原來要用蛋白的, 難怪上一次失敗了, 今次用了蛋白, 沒有水汪汪的感覺, 女兒還很喜歡呢, 這道菜真是老幼皆宜。

材料：
蒸煮豆腐一盒
鯪魚肉一包 (超級市場包裝)
蔥適量 (今次無加)
蛋白一只

調味：
鹽適量
胡椒粉少許

做法：
1. 鯪魚肉加調味拌勻、蔥切幼粒。
2. 豆腐搗爛加入蛋白、鯪魚肉、蔥粒及2茶匙生粉，拌勻。
3. 蒸約十分鐘，淋上生抽及少許麻油即成。

參考食譜

粟子蚊排骨

經過街市有去皮粟子賣, 貪得意買咗半磅, 跟住買埋排骨, 試吓整粟子蚊排骨先。喺网上搵到啲食譜, 原來好簡單, 第一次整, 連唔鍾意食排骨既老公都話好味道呀！
材料：

排骨 約$20
粟子 半磅
薑 兩片

排骨調味：
生抽、糖、生粉、麻油

獻汁：

水 350ml
鹽 1/4茶匙
糖 1/2茶匙
生抽 1茶匙
老抽 1茶匙做法：

1) 排骨洗淨, 用調味料醃半小時。

2) 粟子肉洗淨, 瀝乾

3) 起鑊下油下排骨炒至半熟, 盛起。

4) 下油下薑炒香, 下粟子炒一會加献汁, 用中火煮約十分鐘, 加入排骨, 再蚊多40分鍾左右至粟子淋, 即成。


參考以下兩個食譜而成：

http://blog.yahoo.com/_IOYQIMOXKQY4WKM4KTA4JYJFPM/articles/106153

http://www.cytss.edu.hk/debbie/food/cmain27.htm

做法:

1抽及糖醃一會，然後加生粉、油及麻油再多醃一會．

2). 粟子買回來如未去皮的話,可以放於平碟上沿邊排放成環,放入微波爐用高火加熱2分鐘,粟子皮與肉分離,用手指一捺皮便可脫出．

3). 起鑊下油燒紅後下排骨炒至半熟鏟起．洗淨鑊落油燒紅後下薑炒香便下粟子及陳皮,炒一會再加水（水的份量最好是剛過粟子面），用中火炆約十分鐘後下排骨，再多炆約40-45分鐘至至粟子冧便可上碟．

清蒸肉碎豆腐

材料:

• 豆腐 200克
• 豬肉碎 100克
• 雞蛋 1隻
• 蔥粒（裝飾用）酌量

醃料:

• 生抽（醬油） 1茶匙
• 糖 ½茶匙
• 粟粉（玉米粉） 1茶匙
• 鹽 1/4茶匙
• 胡椒粉 少許

做法:

1. 先把豆腐用廚房紙，或用乾淨毛巾吸乾水分。用大匙羹壓爛。
2. 加入豬肉碎，雞蛋和調味料拌勻。鋪平一碟中。
3. 放入鑊中，用大火隔水蒸約 12至15分鐘。時間視乎所用的碟的大小而定。豬肉碎轉色，即熟透。灑下蔥粒。趁熱享用。

食譜來源： <簡易食譜>

煎薯餅

睇完電視教整薯餅, 好似唔難做, 好想試下, 材料好簡單。

材料：

薯仔　2個
素腸/ 臘腸 　2條
芝士　2塊

洋葱 (切粒) 半個
葱 (切粒) 適量

做法：
﹝1﹞　大鍋中放入約 1 公升的水，沸水後放入薯仔, 煮約15分鐘至半熟。 把薯仔去皮, 刨絲, 備用。
﹝2﹞　原本版本是用臘腸, 我以素腸代替。素腸、芝士、洋葱、葱等切粒, 放入薯絲, 用手拌勻所有材料。
﹝3﹞　下油, 把薯絲放下熱油上, 用鍋鏟壓平薯絲形成餅形, 煎至一邊金黃後，反轉再煎, 至兩面金黃, 上碟。

菜譜參考：都市閒情 - 今晚食物餸 Annie

玉豆金菇小炒

材料：

玉豆 (切小段) 1 扎

金菇 1包

素香腸 (切粒) 2塊 (可改免治肉或午餐肉)

調味：

沙茶醬 1 tbsp

豉油 2 tsp

水 1tbsp

做法：

1. 下蒜頭, 下油, 炒玉豆至略琳

2. 加入金菇 , 略炒, 最後加入素腸, 下調味, 炒至汁滲入所有材料, 即成。

沙爹豬肉

材料

枚頭瘦肉 200-300g

青椒 1/2個

洋蔥1/2個　

蒜頭2粒

醃料

生抽 / 鹽 / 糖 / 生粉

調味

沙爹醬1湯匙

水4湯匙（多少隨意，如不想沙爹味太濃，可加多些）

生抽1茶匙

做法

1) 枚頭瘦肉用醃料醃30分鐘

2) 青椒洋蔥洗淨, 切件, 備用, 蒜頭切粒

3) 下油, 以中火爆香蒜蓉, 加入枚頭瘦肉炒至轉色,

4)再加入其他材料炒勻, 下調咪料, 炒至乾身即成。

肉碎煎蛋角 ~ 一餸兩味慳錢住家菜

另一味用免治肉做材料的就係煎蛋角, 簡單又好食。

材料

免治豬肉 100g

鷄蛋 2隻

生粉3湯匙

調味

鹽1茶匙

砂糖1/2茶匙

做法

1) 把蛋打成打漿, 加入免治肉, 生粉, 及調味。

2) 燒熱易潔鑊, 下油, 將粉漿加入, 煎至熟透即成。

。

個人意見：如免治豬肉已醃過, 可不加調味, 以免味道過濃

京醬炒薯絲 ~ 一餸兩味慳錢住家菜

[參考書: 慳錢家常菜 ]