冬瓜水 【消暑湯水】

今個夏天認真熱, 連我最抵得熱既都頂唔順, 真係要諗諗計煲番啲消暑湯水調理下。

 
材料好簡單 (4人份量)

冬瓜或老黃瓜
袪濕湯料一包
7-8碗水

今次用左老黃瓜煲

據中醫師, 小便多及脾胃弱者老黃瓜較適合, 亦可用木瓜及合掌瓜。但脾胃弱或小便多者在煲老黃瓜時全個不要切開, 洗淨便可,煲一小時後再切開食瓜肉加點海鹽飲用, 可當茶全日或晒後多飲, 宜於大小暑和天灸飲用。

雪梨海底椰湯

女兒很喜歡飲湯, 加上咳完刚刚好返, 上网見到有呢個湯, 即管試吓。什少煲湯既我, 估唔到一煲就煲"爖", 要煲第三次至成功, 真係失禮。

材料 :

豬展一斤

雪梨 2個

海底椰 10小塊

南北杏 2湯匙

蜜棗 3-4粒

做法 :

1. 雪梨洗淨，去核及心，切件備用。海底椰洗淨，切小件。南北杏及蜜棗洗淨，待用。

2. 煲滾水，放入豬展飛水。將豬展取出，用水沖淨，備用。

3. 將12碗清水注入煲內，放入雪梨，用中火煲至滾，再加入其餘材料，煲約三小時，加適量鹽調味，趁熱飲用。

參考食譜

鷄桔草去濕湯

見呢幾日個人好攰, 有朋友教我煲鷄桔草飲, 可以去濕解毒, 好有效, 即刻去葯房執番劑, 不過佢話啲鷄桔草要買啲野生既至有效, 自己種既就冇咁好喎, 去到葯房問, 佢話全部都係野生咖啦！

個朋友寫咗啲材料份量比我, 我跟住執, 佢話可以煲多啲放喺雪柜隨時飲, 可能我落得少水, 所以煲出黎得果2-3碗, 嘥晒, 下次用個大煲落多啲水至得

材料

鷄桔草 4兩

云凌 1兩

白朮 1 兩

蜜棗 4-5粒 (如愛甜啲可加多啲)

問過葯材鋪話煲個零鍾就得, 我落得少水, 都係煲咗個零鍾咋, 不過味道唔錯, 比個女飲都鍾意。