Tea Buffet @ Mongkok Standford Hotel 平價下午茶自助餐

購自團購的下午茶約$99一個, 看似好抵, 後來才發覺正價也只是佰多元一個, 計埋加一, 其實每位只平了廿蚊左右。不過還好, 可以有個藉口在港歎tea buffet, 平時也很少機會。

正價連加一也不過$150的一個tea buffet, 也不會有太大期望。食物種類不多, 行兩個round已經試勻, 勝在甜品也不少, 西式也有10多款, 可惜沒有再添加, 如遲食便錯失了很多款式, 今次我就醒左, 預先各款取一件, 待吃完主菜才吃, 不過雪糕就只有芒果同士多啤利兩款味道, 是沒有牌子的(後來才發現朱古力同呍呢拿待晚餐時才供應)。

顧著吃西式甜品, 郤忽略了中式甜品, 楊枝金露, 同花生糊,  本來諗住最後才試, 點知都比人掃晒。

吃到最後, 才發現驚喜, 就是蠔粥, 有很多其他材料一起煮, 很鮮甜, 我試了兩口, 因實在太飽了。

熱盆選擇不多

甜品較多選擇

這碗蠔粥很美味呀！

特色甜品店 @ 西灣河太安樓

我呢個新界人, 好日都唔會去一次西灣河, 仲要留喺喥食晚飯, 真係唔知食咩好, 好彩有人介紹我地去西灣河熟食中心, 好耐未試過大排檔, 小菜勝在咩都有, 又唔駛加一, 兩個人3個餸都係百零蚊。食完仲四圍出去搵甜品食。

人生路不熟, 四圍都見唔到有甜品鋪, 諗住走入太安樓睇下, 好彩又搵到間其貎不揚既甜品鋪, 見到個menu啲甜品都幾特别, 最緊要係有我鍾意既渣泎, 仲要有唔同口味添, 我就叫左個南瓜渣泎, 鍾意佢有趙口之餘又唔太甜, 啱我！

南瓜味渣泎

我老公叫咗個西米露, 食完見到有隻好特別既餅, 叫做台灣車輪餅, 有四種唔到味道：紅豆, 朱古力, 奶油同?? (唔記得添), 我地叫咗朱古力同奶油味。其實好似格仔餅咁, 只係形狀不同, 饀料又不同, 咁又成為一樣新甜品喇！

台灣車輪餅 ~ 賣
相就一般啦！

奶油味車輪餅

朱古力味車輪餅

大班人食野傾計推介 ~ ECF Cafe

早排約咗一班靚太gathering, 一行十人, 四圍搵地方可以比一大班人食野傾計既真係唔多, 有人介紹呢度, 地點環境都唔錯, 但大枱唔多, 要預先book, 我地book咗呢張全店最正既角落位大梳化, 十人都冇問題, 最緊要係要任傾任坐都冇問題, 唔駛比人趕, 我地真係傾到餐廳關門呢！

食野方面, 以西餐為主, 有各類扒餐, 亦可叫自選意粉, 本人不愛肉食, 叫左自選吞拿魚墨魚意粉, 份量比想像中大, 味道不錯, 其他扒餐份量都唔少, 比一般餐廳較多。不過甜品就選擇唔多, 本來諗住叫甜品既最終都冇叫到。

其實, 一班人柴娃娃都不自在食了什麼落肚, 只係計得過了一個愉快的晚上。

吞拿魚墨魚麪

青檸蜂蜜

ECF cafe

抵食超值Tea Buffet推介 ~ 恆豐酒店紅烟窗

甚少食buffet既我, 好難得約埋啲舊同學去tea, 今次呢間第一次食, 見價錢都幾經濟, 所以都無咩期望, 可能就係因無期望, 所以有驚喜囉, 都算ok多野食咖! 原價$158, 預早book位有15%discount, 連埋加一都係每人$150左右。

食物方面, 有sushi, salad, 生果, 中西甜品樣樣齊, 就連法式甜品macarons都有, 算係咁啦！

今次食頭幾轉都係食冷盤, 熱盤真係未試過, 好奇怪囉, 平時一定會試, 今次淨食salad. 生果都食到我飽飽地, 最後關頭, 仲食咗半打macarons, 豆付花溝芝麻糊, 最後梗係唔少得既4球Dryers雪糕啦！

熱盤雖然未試過, 不過見到啲friend都食得幾滿意, 有豬紅,咖哩魚蛋, 湯麪, 粥, 燉蛋, 瓜菜等等。我自己就鍾意啲salad同香滑既豆付花。至於馬卡龍水準就不及法國Laduree喇, 入口較實, 不夠鬆化, 不過咁都食咗半打, 呢啲就係macaron既吸引力, 人見人愛呀！

比較貪心, 一次過拎咁多, 所以食咗頭兩轉, 已經飽了。

見到咁色彩奪目既馬卡龍, 真係唔忍得口, 不過外層唔夠鬆化。

以後要早啲食, 臨尾已比人掃清, 想"不"大個球都唔得

好香滑既豆付花,又掃咗兩碗。

意大利必食 ~ 雪糕

在歐洲食咩都貴, 但有一樣野一定平過香港, 就係雪糕喇。

在香港, 要買一杯單球雪糕也要幾十蚊, 但去到歐洲, 雪糕就平好多, 我喺意大利用咗eur2.5就買到兩種味道, 味道款式多之餘入口仲好鮮甜呢。 雪糕店隨處可見, 拍得住香港的便利店, 想唔試下都幾難, 真係好難抗拒呀。

幾大杯! @ Rome

真係見到都想食 @ Rome

法國的手信 ~ Laduree馬卡龍

遊法國, 其他團友都是趁著大減價搶購名牌手袋, 而我, 只是對這個法國甜品感興趣, 一早已鎖定目標, 要到香榭麗大道的Laduree總店, 可惜原來行程是沒有安排到香榭麗大道shopping, 只是在春天百貨購物, 幸好Laduree在春天也有分店, 只是款式不及總店齊全。

Laduree@春天百貨

Macarons @ Laduree, Paris

我一見到即驚喜得第一時間上前排隊入貨, 已經忘記了這款蛋白甜品要保持新鮮及易碎, 我買了兩盒細既禮盒裝作手信, 另外兩件散裝的試食, 由於散買的只用紙袋盛起, 還要捧著它四周逛, shopping 完后正想拎出黎食, 已經變了形。我買了朱古力同黑色的味道, 入口好碎之餘仲好軟熟, 因我未食過香港的不能作比較, 相比自已做的真係軟熟得多, 朱古力味較甜, 黑色的是liquorice, 不太甜, 我較喜歡, 。

原來第二天臨去機場前都仲有半日時間自由行, 最後買多一盒較新鮮既做手信, 而家才知道原來8件裝係抵過6件裝的, 價錢相約euro15.9。

6 macarons/ box @ Laduree

原來這款禮盒是紀念Ladureee 150週年而設計的「皇家珠寶盒」

8 macarons/ box euro15.9 @ Laduree

禮盒有多個款式任揀，每款都好靚

每一盒都會比一個紙袋，方便送禮

有多程口味 ~ Laduree catalogue

【馬卡龍 & 巴黎名點】

趁著去巴黎前, 到圖書館取回訂閱的書, 這本【馬卡龍 & 巴黎名點】, 真是應景, 雖然未能即时可以再戰馬卡龍, 不過趁著這個歐洲之旅看一看這本書也不錯！

【彩繪 ● 蛋糕卷】

今日到手了, 這本書在書局見到, 好想買, 心諗係圖書館試下有冇得借先, 結果, 雖然只有第一册, 都好。

沿途中已急不及待看了第一篇,明白為什麼自己做會失敗了, 原來真是有方法的。

真想可尽快實習一下 ！

抵用烘焙工具

其實喺香港分分鍾搵到啲平靚正既野, 唔駛返大陸或陶寶搵。

好似早排經過吉之島10蚊店咁, 都比我發現到啲正野。18cm tart盤同刮平刀, 都係賣$10, 尤其係個tart盤, 真係超抵, 喺陶寶都搵唔到。

好味台灣手信推介

早排有親戚去完台灣, 梗係唔少得啲台灣美食。試過呢隻太陽餅好正, 裡面有啲奶黃, 個皮就好似老婆餅咁, 食落甜甜地又唔太甜咁, 好味道, 去台灣一定唔少得。

除咗太陽餅, 仲有呢隻好煙"un"又唔甜既花生糖, 真

係食到唔停得口 :))

原來台灣蛋卷都好出名, 仲有咁多隻味可以揀