熊貓生日蛋糕

女兒生日, 本來諗住整個Hello Kitty蛋糕比佢, 問佢想要咩生日蛋糕, 出乎意外地答要熊貓生日蛋糕, 好彩都係黑白二色, 可以朱古力攪掂, 上網搵咗啲相參考, 就係咁就構思咗呢個生日蛋糕。

今次都有啲小意外, 唔係太順利, 呢個蛋糕係要用一個長方形海綿蛋糕加一個圓形蛋糕結合而成, 即要焗兩次, 不過我就焗咗3次, 第一次整衰咗, 而忌廉又唔夠, 要第二日至可以完成埋抆cream個部驟, 加上天氣突然轉熱, 一路唧cream, 啲cream一路溶, 最後要開冷氣, 時間比預期中耐, 好彩最後都趕得切係生日會一個鐘前完成, 出來效果都算唔錯, 唯一美中不中是忘記整個 "3"字, 本來諗住用藍莓黎砌個"3"字, 但因太匆忙而忘記了, 最後要叫爸爸買個"3"蠟蠋補數。

今次寫住咁多, 遲啲至post 個recipe上黎先。