朱古力馬卡龍 (實戰中)

做了好幾次, 只有兩次成功, 比較似樣。都是在网上找的食譜, 非常簡單, 份量少, 就算失敗咗, 可以做多幾似都唔怕"side"料。

冇跟足原著食譜, 減少了糖同糖霜, 冇咁甜, 食譜還在改良中, 希望遲啲再upload上黎。

【馬卡龍 & 巴黎名點】

趁著去巴黎前, 到圖書館取回訂閱的書, 這本【馬卡龍 & 巴黎名點】, 真是應景, 雖然未能即时可以再戰馬卡龍, 不過趁著這個歐洲之旅看一看這本書也不錯！

父親節蛋白糕 Father's Day Cake (哈哈笑芝士蛋糕)

这個迷你芝士蛋糕特別送给老公的父親節礼物，本來諗住做个有多D顏色既，但系冇咩时间，做住个简简单单既哈哈笑先啦!

4吋蜂蜜芝士餅材料
忌廉芝士  82g
糖 20g
甜忌廉 90g
牛奶150g
蜂蜜 15g
魚膠粉 6-8g
糖 4g
水 35g
芝士餅碎 40g
牛油 20g


做法

1) 將餅碎加入已溶的牛油混合, 壓在蛋糕模內, 放入雪櫃雪一會備用。
2)  忌廉芝士加糖拌勻, 至軟身冇粒粒。
3) 魚膠粉加糖, 加入水, 座熱水拌勻。
4) 牛奶加蜂蜜, 加入3)
5) 甜忌廉打起, 加入4), 倒入模內, 雪2-3小時至硬身。
6) 朱古力用熱水座溶, 加入唧袋, 在蛋糕表面唧出喜愛圖案。


備註
1) 今次用了6g魚膠粉, 出來效果較軟身, 建議增加魚膠粉份量較佳。


6"蜂蜜芝士蛋糕

3D牛奶熊蛋糕 (白色鬆弛熊蛋糕)

今次只係做塊面, 預先Print定個公仔頭, 對住黎做, 十分成功。

材料

8"海綿蛋糕

蛋白, 蛋黃, 各4只
砂糖  50g (個人喜歡少糖, 原來食譜60g)
奶 60g
菜油 30g
低筋粉 70g
檸檬汁  幾滴

裝飾&餡料
甜忌廉 (餡) 100g
甜忌廉 (裝飾) 150g
朱古力 少許
食用色素 幾滴
金奇異果/ 士多啤梨

做法

海綿蛋糕

1) 預熱焗炉 170度；

2) 蛋白先加入幾滴檸檬汁, 打至起泡, 加1/3糖, 分3次加入餘下的糖, 打至企身；

3) 蛋黃加菜油拌勻, 加入蛋白漿, 拌勻。

4) 低筋粉預先篩好, 加入蛋黃漿, 用手動打蛋器慢慢拌勻

5) 最後加入牛奶, 輕輕拌勻, 放入模內, 焗20-30分鐘。

6) 蛋糕待涼後, 切成三片, 沿著預先print好的公仔字樣外形剪成公仔頭形。

餡料

1) 甜忌廉打至企身；

2) 先把一片蛋糕放底, 塗上忌廉, 加上生果片, 再加另一片蛋糕在上, 繼續塗忌廉及喜愛既生果片, 面層加上蛋糕片；

3) 全個蛋糕查上忌廉, 放入雪櫃需至硬身。

裝飾

1) 甜忌廉打至企身；

2) 取出少許加上紅色色素至淡粉色, 放入唧袋, 唧出耳朵

3) 取出少許白色忌廉, 唧出口部。

4) 其餘忌廉加上少許啡色色素(或溶了的朱古力), 唧出其餘部份。

5) 最后, 用朱古力做眼及鼻, 放在蛋糕面上即成

【彩繪 ● 蛋糕卷】

今日到手了, 這本書在書局見到, 好想買, 心諗係圖書館試下有冇得借先, 結果, 雖然只有第一册, 都好。

沿途中已急不及待看了第一篇,明白為什麼自己做會失敗了, 原來真是有方法的。

真想可尽快實習一下 ！

狗仔日式芝士餅 (生日蛋糕)

第一次做比狗仔食既蛋糕, 對於一個沒有養狗, 對狗完全不認識既我, 今次郤要做一個比狗食既蛋糕, 的而且確有難度, 主人( 我表妹) 要求要做一個芝士味蛋糕, 經過一輪資料搜集, 最后揀了這個來挑戰自己。


這個焗了3次才成功, 最重要是要隔水焗, 但我既模全是活底, 以防入水, 模外要包錫紙, 但唔知點解, 包錫紙都會入水, 頭兩次就咁失敗了, 結果我要包三層錫紙至成功。




材料 (6"模)：
低脂忌廉芝士 230g
蜜糖 25g
蛋黃 2 隻
蛋白 2 隻
栗粉 25g
低筋麵粉 20g
水 20g

做法：
1.) 先將焗爐預熱 170度.
2.) 忌廉芝士置放在室溫下, 待至軟身.
3.) 把軟身忌廉芝士及蜜糖打滑.
4.) 加入蛋黃, 再加入水, 拌勻.
5.) 加入已篩過的低筋麵粉和栗粉.
6.) 將蛋白打起, 拌入麵糊中.
7.) 在盆外加上熱水, 以 170度焗先50分鐘。
8) 把出炉芝士餅降溫后才脫模。
9) 用狗餅和生果裝飾。

食譜來源 

菜心炒牛肉 【附食譜】

這個小時候常吃的菜式, 自少已在廚房偷看爸爸媽媽弄, 不知怎樣, 現在郤什少吃, 可能是太普通吧！偶爾心血來潮郤想懷舊一下, 弄了這味媽媽傳授的菜式。

材料

菜心  12兩
牛肉 80-100g
蒜茸  適量

醃料

生抽 2 tsp
糖 1/2 tsp
生粉 1tsp

調味

鹽 1 tsp
水 60ml

做法

1)  菜心去花, 浸水洗淨, 分開菜莖和葉, 備用；
2)  牛肉用醃料醃30分鐘；
3)  下油, 下牛肉, 待一會, 反另一边至兩面轉色, 快炒一會, 盛起備用；
4)  下蒜茸,先下菜莖,炒一會, 再下菜葉,炒一會, 下水, 冚蓋, 至有煙冒起, 起蓋, 下鹽, 至所有菜熟, 最後下牛肉, 快炒, 盛起即成。

香煎檸檬魚柳 【天然調味】 Pan Fried Lemon Fish

今日整完真係忍唔住要立即post上黎, 原來用檸檬汁煎魚柳, 係咁好味,今次係用全天然調味,健康之餘, 味道仲十分好, 難怪一向唔多Like食魚既老公都食咗唔少。

材料

龍脷柳 或 鯰魚柳 2片
檸檬汁 半個
蒜茸   2湯匙
黑胡椒  適量

做法

1) 加適量油, 燒熱易潔鑊；
2) 下蒜茸后加入魚柳, 再加檸檬汁；
3) 把魚柳煎約4-5分鐘至熟透。
4) 魚柳面上洒少量黑胡椒。



呢個食譜係來自某期既《親子王》