芝士雜菌炒蛋 (健康素菜)

第一次喺出面食完之後, 自己喺屋企試下整既菜色, 味道梗係唔及原創咁好味, 事關我一定唔加味精同少鹽, 整過兩次, 第一次老公既comment係好食, 第二次就no comment, 莫非我水準一次不如一次?! 自己comment係：不太滿意, 下次可以更好！:D

材料
雞蛋 4-5只
雞脾菇 1件 (切粒)
洋葱半個 (切粒)
椰菜/ 西芹少許 (切粒)
葱粒少許
芝士一片(切小片)


做法
1) 雞蛋打勻, 備用；
2) 除雞蛋, 及芝士外, 把所有材料下煱炒, 加少許鹽, 炒至熟透後盛起, 加入蛋漿內, 把芝士片加入拌勻；
3) 燒滾油, 下蛋漿, 不要炒散, 煮至蛋漿開始凝固, 才慢慢反至另一面, 收細火, 至蛋漿至表面凝固即可。

Add caption

特色甜品店 @ 西灣河太安樓

我呢個新界人, 好日都唔會去一次西灣河, 仲要留喺喥食晚飯, 真係唔知食咩好, 好彩有人介紹我地去西灣河熟食中心, 好耐未試過大排檔, 小菜勝在咩都有, 又唔駛加一, 兩個人3個餸都係百零蚊。食完仲四圍出去搵甜品食。

人生路不熟, 四圍都見唔到有甜品鋪, 諗住走入太安樓睇下, 好彩又搵到間其貎不揚既甜品鋪, 見到個menu啲甜品都幾特别, 最緊要係有我鍾意既渣泎, 仲要有唔同口味添, 我就叫左個南瓜渣泎, 鍾意佢有趙口之餘又唔太甜, 啱我！

南瓜味渣泎

我老公叫咗個西米露, 食完見到有隻好特別既餅, 叫做台灣車輪餅, 有四種唔到味道：紅豆, 朱古力, 奶油同?? (唔記得添), 我地叫咗朱古力同奶油味。其實好似格仔餅咁, 只係形狀不同, 饀料又不同, 咁又成為一樣新甜品喇！

台灣車輪餅 ~ 賣
相就一般啦！

奶油味車輪餅

朱古力味車輪餅

卡通糖膏雪糕蛋糕

這個食譜是上堂老師派的, 返黎睇下, 發覺太簡單, 照跟應該未必會做到, 仲好似有啲漏咗添, 不過, 暫時keep 住參考

雪糕材料

云呢拿味雪糕

蛋黃 3个
砂糖 4安士
牛奶250ml
忌廉200ml
云呢拿籽/ 云呢拿油 適量


云呢拿味雪糕

蛋黃 3个
砂糖 4安士
牛奶250ml
忌廉200ml
云呢拿籽/ 云呢拿油 適量



朱古力雪糕

黑朱古力 200g
蛋黃 3个
砂糖 4安士
牛奶200ml
忌廉200ml
蜜糖 20ml



開心果雪糕

蛋黃 3个
砂糖 3安士
牛奶200ml
忌廉200ml
開心果 80g


士多啤利雪糕

蛋黃 2个
砂糖 4安士
牛奶200ml
淡忌廉150ml
士多啤利 180g (切丁打成汁)
士多啤利 50-100g (切丁)

雪糕做法

云呢拿味雪糕

1) 把蛋黃拌勻, 然后加入砂糖及粟米粉, 用打蛋器拌至白色為止；
2) 將牛奶加熱至80度, 倒進蛋黃醬內拌勻；
3) 倒入過濾器過濾后, 放回鍋中用中火加熱, 並用木匙不斷攪拌。
4) 將溶液倒進大碗內, 加入忌廉及云呢拿油, 拌勻，加入雪柜即成﹐。

朱古力雪糕


趁蛋白糊還是熱的時候, 加入朱古力, 兩分鐘后拌好。


開心果雪糕


雪糕糊放涼后, 加入開心果醬。


士多啤利雪糕


要待雪糕糊放涼后, 才加入鮮果, 避免變味。




海綿蛋糕

材料

蛋 3只
砂糖 40g
低筋粉 40g
菜油 20g


做法

1) 把蛋黃及砂糖打起至可寫成8字,
2) 將已過篩的面粉拌入, 最后加入菜油；
3) 放入已預熱180度焗爐, 焗20-25分鐘。


鬆酥曲奇底

材料

全蛋 1/3只
砂糖 16g
牛油 20g
麪粉 40g


做法

1) 把牛油, 面粉及砂糖搓碎, 加入蛋漿；
2) 放入雪柜, 然后造型
3) 放入160度焗爐, 焗20分鐘。

三文魚拌蕎麥麵

今晚老公唔返黎食飯, 咁啱見到<簡易食譜>個新post <三文魚拌蕎麥麵>, 蕎麥麵個女最like, 就即刻整黎試下, 效果唔錯, 個女仲添左幾碗添。不過啲調味冇跟足, 因屋企唔夠料, 個味道都好滿意。

材料 (2人份量):

• 三文魚扒 1件

• 鹽 酌量

• 胡椒粉 少許

• 蕎麥麵 2個 

• 菜心 酌量

調味:

• 生抽  3湯匙  (原食譜用味醂同日本醬油各3湯匙)

• 米醋 1湯匙

• 糖1/2茶匙

• 蒜蓉 1/2茶匙

• 薑蓉 1/2茶匙

• 麻油 1茶匙

• 菜油 1湯匙

做法:

1. 三文魚扒洗淨抹乾水份，拔去骨頭。用酌量鹽，胡椒粉調味。燒熱油鑊，先下有魚皮的一面，用中大火把兩面煎至金黃色，或直至自己喜歡的熟度。
2. 與此同時，煮滾一鍋水，按包裝紙上的說明，把蕎麥麵煮熟，約 3至 4分鐘。中途放入小棠菜煮熟。撈起冲冷凍水，備用。
3. 用一小鍋，下菜油燒熱，爆香蒜蓉和薑蓉，倒入餘下的汁料，煮至糖溶解，離火備用。
4. 把煎好的三文魚扒，轉到大碟上，分別淋下汁料。以蕎麥麵和菜心伴吃。

更多内容: http://www.christinesrecipes.com/2012/10/japanese-salmon-soba-noodles.html#ixzz2AtLtIxje

大班人食野傾計推介 ~ ECF Cafe

早排約咗一班靚太gathering, 一行十人, 四圍搵地方可以比一大班人食野傾計既真係唔多, 有人介紹呢度, 地點環境都唔錯, 但大枱唔多, 要預先book, 我地book咗呢張全店最正既角落位大梳化, 十人都冇問題, 最緊要係要任傾任坐都冇問題, 唔駛比人趕, 我地真係傾到餐廳關門呢！

食野方面, 以西餐為主, 有各類扒餐, 亦可叫自選意粉, 本人不愛肉食, 叫左自選吞拿魚墨魚意粉, 份量比想像中大, 味道不錯, 其他扒餐份量都唔少, 比一般餐廳較多。不過甜品就選擇唔多, 本來諗住叫甜品既最終都冇叫到。

其實, 一班人柴娃娃都不自在食了什麼落肚, 只係計得過了一個愉快的晚上。

吞拿魚墨魚麪

青檸蜂蜜

ECF cafe

XO醬炒椰菜

簡单又有益的家常小菜

材料
椰菜  1 個
木耳  几片(切細塊)
蒜茸 1湯匙

調味
XO醬 1湯匙
生抽  2茶匙
糖 1茶匙
生粉  1茶匙
水 4-5湯匙

做法
1) 木耳可先浸軟, 如厚身的木耳可放入滾水內煮一會, 盛起備用。
2) 先下油落易潔鍋, 開火, 下木取、椰菜, 加半碗水, 蓋上鍋蓋煮至有煙冒出；
3) 打開蓋下調味, 炒一會即成。

芽菜炒肉碎

芽菜炒肉碎

味簡單的家常便飯：


材料
免治肉    超市一盒裝
芽菜       半斤
木耳        40g

醃料
生抽 2湯匙
糖     1茶匙
水     4湯匙
生粉 1茶匙
麻油  少許

調味
蚝油 2湯匙
水  4-6湯匙
糖  1茶匙


做法

1) 免治肉用醃料醃30分鐘, 備用；
2) 木耳切小塊, 用水浸至軟身漲大后, 加入燒滾的水煮一會, 盛起備用；
3) 燒滾油, 下免治肉, 先不要用煱產炒散, 待一面煮至轉色后才反轉另一面再煎, 兩面轉色后才炒散肉碎至全部炒熟；
4)  接著下木耳, 芽菜, 炒一會后再落調味；
5) 煮至差不多收水, 上碟即成。

入秋食物宜忌

"不時不食", 現在秋意漸濃, 在食物方便, 應如何配合才可令身體適應氣溫的轉變, 從而令食體更健康?

無意中看到Healthy:D的一篇"入秋養生5大宜忌", 現節錄部份內容如下：


秋季約在農曆七月至九月間，共3個月，從立秋到立冬，包括立秋、處暑、白露、秋分、寒露、霜降等6個節氣，並以秋分作為季節氣候轉變的中轉站。

秋季的特點是由熱轉寒，陽消陰長。所以秋季養生保健必須遵循「養收」的原則，其中飲食養生當以潤燥益氣為中心，以健脾補肝清肺為主要內容，以清潤甘酸為大法，寒涼調配為要。下面介紹秋季飲食養生的5個注意事項。

1. 多吃清潤水果
秋季氣候乾燥，常常使人感到鼻、咽乾燥不適。這時如果能吃一些生津止渴、 潤喉去燥的水果，會使人頓覺清爽舒適。這個季節帶有保健醫療性質的水果，要數梨和甘蔗了。勞累過度或饑餓頭暈的人，只要吃上兩節甘蔗就會使精神重新振作起來。但是，由於梨、甘蔗性寒，對脾胃虛寒和胃腹疼痛的人不宜食用。此外，適於秋冬季吃的水果還有蘋果、香蕉、橙和山楂等。

2. 少吃瓜類
與此同時需要防止「秋瓜壞肚」。在夏天，西瓜是消暑佳品，但是當立秋之後不論是西瓜還是香瓜、菜瓜都不能恣意多吃了，否則會損傷脾胃的陽氣。

3. 調理腸胃　為進補做好準備
秋季宜吃銀耳、燕窩、鱉肉、藕、菠菜、烏骨雞、豬肺、豆漿、鴨蛋、蜂蜜等。還可食用橄欖酸梅湯、月季雪梨銀耳羹、沙參藕粉等。上述食物與藥膳若能在氣候乾燥的秋季經常吃一點，就能夠有效地防止燥邪對人的侵襲。

當然，這只是對正常人及血虛、陰虛體質的人而言，若是脾胃功能低下，時常腹部脹滿、大便瀉洩的，最好不要吃上述食品和藥膳，因為它們性屬偏涼，應該首先調理脾胃功能，在脾胃功能恢復後，再少吃一點滋陰食品和藥膳。

4. 宜「少辛增酸」
所謂少辛，就要少吃一些辛味的食物，這是因為肺屬金，通氣於秋，肺氣盛於秋。少吃辛味，是以防肺氣太盛；中醫認為，金剋木，即肺氣太盛可損傷肝的功能，故在秋天要「增酸」，以增加肝臟的功能，抵禦過盛肺氣之侵入

根據中醫營養學的這一原則，在秋天一定要少吃一些辛味的葱、薑、蒜、韭、椒等辛味之品，而要多吃一些酸味的水果和蔬菜。這樣就能增加肺的功能，以防肺氣太過而傷肝。

5. 宜多喝粥
中醫養生學家還提倡在秋天每天早晨吃粥，如明代李挺認為：「蓋晨起食粥，推陳致新，利膈養胃，生津液，令人一日清爽，所補不小。」如梨粥、胡蘿蔔粥、芝麻粥、菊花粥、黃精粥、玉竹粥、沙參粥等。尤其是初秋時節，不少地方仍然是濕熱交蒸，以致脾胃內虛，抵抗力下降，這時若能吃些溫食，特別是喝些熱藥膳粥於身體很有好處。

原因是作為藥膳重要成份的粳米（大米）或糯米，均有極好的健脾胃、補中氣的功能，前人對此頗多讚譽。如《本草經疏》譽粳米為「五穀之長，人相須賴以為命者也」。《隨息居飲食譜》謂：「粳米甘平，宜煮粥食，粥飯為世間第一補人之物。貧人患虛症，以濃米飲代參湯。病人、產婦粥養最宜。」可見秋天喝粥的確有益於健康。

來源：healthy:D 網

牛奶方包

第一次整方包，焗耐左，个皮lung咗，不过D麫包超鬆軟，好味度！

可惜係搵唔番個食譜, 呢個係跟网上某個blog食譜做, 印象中係叫Debbie Kitchen裡的牛奶/鮮奶方包食譜, 但唔知奌解搵咗而家無咗, 唔該边個搵到話我知呀！

麪包超人馬卡龍 【卡通馬卡龍食譜】

材料

馬卡龍
蛋白 25g
砂糖 15g
杏仁粉 25g
糖粉 35g

裝飾蛋白霜

蛋白 15g
糖粉 100g
紅色食用色素 2滴
朱古力  10g

餡料
果醬/ 朱古力

做法

馬卡龍
1) 先打起蛋白, 分2次加入砂糖, 打至企身；
2) 加入篩過的糖粉, 杏仁粉, 拌勻；
3) 焗炉用140度預先預熱；
4) 蛋白糊放入吱袋吱出圓形, 放室溫45分鐘風乾, 又或用風筒吹乾至啞身；
5) 放 入焗炉用140度焗5分鐘, 再轉120度焗12分鐘, 放涼；

裝飾
6) 蛋白, 糖粉拌勻, 加入色素, 放入吱袋, 隨意在放涼的馬卡龍上吱出图案。
7) 朱古力坐熱后, 放入吱袋, 隨意吱出图案。

塗上餡料

8) 在一塊吱上图案的馬卡龍上塗上果醬或朱古力, 與另一塊沒有吱上图案的馬卡龍合上, 即成。

焗辣味鷄翼 (附食譜)

材料

鷄翼 12只

調味

生抽 2tbsp
糖 1tsp
豆辦醬 3tbsp

做法

1) 把鷄翼淨, 吸干水份, 把調味均勻塗上鷄翼, 醃20分鐘；同時把焗炉預熱至180度。

2) 在烤盆上鋪上焗炉錫紙, 把1)的鷄翼連汁倒在烤盆上, 再把錫紙對接, 把鷄翼封住。

3) 放入預熱的焗炉, 用180度焗20分鐘即成。

Melody蛋糕卷【彩繪蛋糕卷】

第一次做, 係塊面甩咗少少, 都幾似呀！

食譜都係跟之前個斑馬紋蛋卷差唔多, 遲啲至post上黎, 暫时就參考住呢個先啦。

蛋汁芝士火腿菠菜麪 -【自創免焗食譜】

星期六無買餸, 唯有將屋企僅有的材料自創咗呢味蛋汁菠菜麪, 用蛋汁係因為之前做蛋卷同馬卡龍剩了好幾隻蛋黃, 放在雪櫃已好幾天, 想清咗去. 哈哈, 不過出黎效果又好唔錯喎, 起碼我果兩個老細同我清晒啦！

材料

菠菜麪  4個
火腿 4塊 (切小段)
木耳 3個 (已浸並切細件)
蛋2只 或蛋黃 4只
清水  4-5湯匙
牛油 2湯匙
蒜茸 1湯匙
芝士  1片

做法

1) 煲滾水一大煲, 加入菠菜麪,煮至軟身, 盛起, 用冷開水沖一沖, 備用。
2) 下牛油到平底鍋, 加入蒜茸略炒, 加木耳, 火腿炒一會
3) 把菠菜麪加入,兜勻。
4) 鷄蛋打勻, 加入清水, 拌勻成蛋漿后, 加入鍋內快炒。
5) 最后加芝士, 並不停兜勻, 避免痴底, 亦可灼量加入水,煮至汁料拌勻麪后上碟。最后洒上香草即成。

糖醋排骨【簡易食譜版】

今次呢個食譜係參考咗簡易食譜果個糖醋排骨食譜, 比上次的糖醋排骨好味好多, 甜酸適中, 雖然做法有啲唔同, 不過味道真係頂瓜瓜！ 我老公尤其鍾意個醬汁, 用來佐飯認真一流。

材料
排骨

醃料
生抽1湯匙
糖 1茶匙
生粉 1 茶匙

献汁

紹興酒  1湯匙
生抽 2 湯匙
白糖 3 湯匙
醋 4 湯匙
水 5 湯匙


做法

1, 排骨用醃料醃一會

2, 醃過之排骨煎香兩面, 再下献汁, 待献汁滾后, 轉慢火, 煮至汁收少, 排骨熟透, 亦可加少少生粉, 加快汁起稠, 即成。



食譜來自: 簡易食譜

抵食超值Tea Buffet推介 ~ 恆豐酒店紅烟窗

甚少食buffet既我, 好難得約埋啲舊同學去tea, 今次呢間第一次食, 見價錢都幾經濟, 所以都無咩期望, 可能就係因無期望, 所以有驚喜囉, 都算ok多野食咖! 原價$158, 預早book位有15%discount, 連埋加一都係每人$150左右。

食物方面, 有sushi, salad, 生果, 中西甜品樣樣齊, 就連法式甜品macarons都有, 算係咁啦！

今次食頭幾轉都係食冷盤, 熱盤真係未試過, 好奇怪囉, 平時一定會試, 今次淨食salad. 生果都食到我飽飽地, 最後關頭, 仲食咗半打macarons, 豆付花溝芝麻糊, 最後梗係唔少得既4球Dryers雪糕啦！

熱盤雖然未試過, 不過見到啲friend都食得幾滿意, 有豬紅,咖哩魚蛋, 湯麪, 粥, 燉蛋, 瓜菜等等。我自己就鍾意啲salad同香滑既豆付花。至於馬卡龍水準就不及法國Laduree喇, 入口較實, 不夠鬆化, 不過咁都食咗半打, 呢啲就係macaron既吸引力, 人見人愛呀！

比較貪心, 一次過拎咁多, 所以食咗頭兩轉, 已經飽了。

見到咁色彩奪目既馬卡龍, 真係唔忍得口, 不過外層唔夠鬆化。

以後要早啲食, 臨尾已比人掃清, 想"不"大個球都唔得

好香滑既豆付花,又掃咗兩碗。

彩繪蛋卷 ~ 斑馬紋竹炭蛋卷 (附食譜)

Add caption

做彩繪蛋卷試了好幾次, 亦失敗了好幾次, 今次都唔係太成功, 有窿, 要繼續努力。

除了外觀外, 今次略嫌稍甜, 因跟足食譜糖的份量, 以下食譜已自行減少糖份量, 好甜者可自行調節。

材料

蛋糕體
蛋4只 (需分成蛋白一個, 蛋白三個及蛋黃三個, 一個蛋黃不用)
砂糖 50g (少甜份量)

水 60ml
菜油 40ml
低筋粉` 80g
玉米粉  一小匙 (或幾滴檸檬汁)
竹炭粉  5g

內饀
甜忌廉 100ml

做法

1) 把3個蛋黃打散, 加入25g砂糖, 用電動打蛋器打至起泡, 呈淡白色, 依次加入水及菜油, 混合后, 加入已篩過的低筋粉, 再攪拌至有黏性。

2)  取出一大匙的蛋黃麪糊, 加入竹炭粉, 混合備用。

3)  把一個蛋白打散, 用電動打蛋器打至起泡, 加入少許的玉米粉(少於一小匙)或檸檬汁打至提起打蛋器, 呈尖角狀態。取一半份量加入2)的蛋黃麪糊中, 放入唧花袋。

4)  烤盤上鋪上焗爐紙, 繪出斑馬紋圖案,避免易剶落, 可畫厚一點, 接著放入焗爐, 170度焗分半鐘。

繪畫出斑馬圖案

5) 把3個蛋白打散, 用電動打蛋器打至硬性泡沫后, 加入餘下的砂糖25g, 打至有光澤后, 加入餘下的玉米粉, 打發至提起打蛋器, 呈尖角狀態。

6)  把3)剩下的蛋白霜加入5), 再把所有蛋白霜分3次加入1)的麪糊中, 充份攪拌至沒有蛋白霜塊, 成為質地光滑的麪糊為止。倒入有烤好圖案的烤盤上, 表面抹平,  入焗炉以170度炉14分鐘。

7) 焗好后, 倒放在冷卻架上, 立即把蛋糕紙撕下, 再蓋回蛋糕面上, 待其冷卻。

8) 把甜忌廉打發至硬身。

9) 把溫暖的蛋糕放在保鮮紙上, 圖案向下, 把四周切邊, 以約2cm間距在蛋糕表面用刀背畫上刀痕, 再塗上甜忌廉, 亦可加上喜愛的生果片。

10) 最后把近身的一端連保鮮紙提起,往前拉起, 緊緊地按圧后, 繼續往前捲緊, 放入雪柜冷藏1小時以上即成。

【

備註：食譜參考自【彩繪蛋糕卷】, 已按個人喜好略好修改。

冬瓜水 【消暑湯水】

今個夏天認真熱, 連我最抵得熱既都頂唔順, 真係要諗諗計煲番啲消暑湯水調理下。

 
材料好簡單 (4人份量)

冬瓜或老黃瓜
袪濕湯料一包
7-8碗水

今次用左老黃瓜煲

據中醫師, 小便多及脾胃弱者老黃瓜較適合, 亦可用木瓜及合掌瓜。但脾胃弱或小便多者在煲老黃瓜時全個不要切開, 洗淨便可,煲一小時後再切開食瓜肉加點海鹽飲用, 可當茶全日或晒後多飲, 宜於大小暑和天灸飲用。

意大利必食 ~ 雪糕

在歐洲食咩都貴, 但有一樣野一定平過香港, 就係雪糕喇。

在香港, 要買一杯單球雪糕也要幾十蚊, 但去到歐洲, 雪糕就平好多, 我喺意大利用咗eur2.5就買到兩種味道, 味道款式多之餘入口仲好鮮甜呢。 雪糕店隨處可見, 拍得住香港的便利店, 想唔試下都幾難, 真係好難抗拒呀。

幾大杯! @ Rome

真係見到都想食 @ Rome

法國的手信 ~ Laduree馬卡龍

遊法國, 其他團友都是趁著大減價搶購名牌手袋, 而我, 只是對這個法國甜品感興趣, 一早已鎖定目標, 要到香榭麗大道的Laduree總店, 可惜原來行程是沒有安排到香榭麗大道shopping, 只是在春天百貨購物, 幸好Laduree在春天也有分店, 只是款式不及總店齊全。

Laduree@春天百貨

Macarons @ Laduree, Paris

我一見到即驚喜得第一時間上前排隊入貨, 已經忘記了這款蛋白甜品要保持新鮮及易碎, 我買了兩盒細既禮盒裝作手信, 另外兩件散裝的試食, 由於散買的只用紙袋盛起, 還要捧著它四周逛, shopping 完后正想拎出黎食, 已經變了形。我買了朱古力同黑色的味道, 入口好碎之餘仲好軟熟, 因我未食過香港的不能作比較, 相比自已做的真係軟熟得多, 朱古力味較甜, 黑色的是liquorice, 不太甜, 我較喜歡, 。

原來第二天臨去機場前都仲有半日時間自由行, 最後買多一盒較新鮮既做手信, 而家才知道原來8件裝係抵過6件裝的, 價錢相約euro15.9。

6 macarons/ box @ Laduree

原來這款禮盒是紀念Ladureee 150週年而設計的「皇家珠寶盒」

8 macarons/ box euro15.9 @ Laduree

禮盒有多個款式任揀，每款都好靚

每一盒都會比一個紙袋，方便送禮

有多程口味 ~ Laduree catalogue

豉椒炒蜆(簡易版) 【附食譜】

呢個炒蜆真係超簡單, 懶人啱晒, 我只係聽咗表妹up兩句, 就可以做到, 聽佢講, 原來食譜來自都市閒情既Annie, 我平時都好鍾意睇佢介紹咖, 今次又學到野。

材料
在超市買的蜆一包 (已清洗乾淨, 唔駛自己洗)
蒜茸 隨意
豆豉 (我用蒜茸豆豉醬代替)
辣椒絲  隨意 (我唔食辣, 所以冇加)

調味
豆辦醬 1tbsp
蒜茸豆豉醬 1tbsp
生抽 2 tsp
糖 1/2 tsp
水 100ml
紹興酒 少許


做法
1) 蜆先用洗水沖一沖, 用滾水灼一灼, 盛起；
2) 開鍋下油, 下蒜茸, 豆豉, 辣椒, 蜆，再加調味同炒, 炒至所有蜆開口即可上碟。



第一次做老公都讚好食，唯一美中不中係有啲蜆好似唔係好夠熟，所以可以炒耐啲都唔緊要。

備註：調味既份量是個人喜好，可隨意加減。

朱古力馬卡龍 (實戰中)

做了好幾次, 只有兩次成功, 比較似樣。都是在网上找的食譜, 非常簡單, 份量少, 就算失敗咗, 可以做多幾似都唔怕"side"料。

冇跟足原著食譜, 減少了糖同糖霜, 冇咁甜, 食譜還在改良中, 希望遲啲再upload上黎。

【馬卡龍 & 巴黎名點】

趁著去巴黎前, 到圖書館取回訂閱的書, 這本【馬卡龍 & 巴黎名點】, 真是應景, 雖然未能即时可以再戰馬卡龍, 不過趁著這個歐洲之旅看一看這本書也不錯！

父親節蛋白糕 Father's Day Cake (哈哈笑芝士蛋糕)

这個迷你芝士蛋糕特別送给老公的父親節礼物，本來諗住做个有多D顏色既，但系冇咩时间，做住个简简单单既哈哈笑先啦!

4吋蜂蜜芝士餅材料
忌廉芝士  82g
糖 20g
甜忌廉 90g
牛奶150g
蜂蜜 15g
魚膠粉 6-8g
糖 4g
水 35g
芝士餅碎 40g
牛油 20g


做法

1) 將餅碎加入已溶的牛油混合, 壓在蛋糕模內, 放入雪櫃雪一會備用。
2)  忌廉芝士加糖拌勻, 至軟身冇粒粒。
3) 魚膠粉加糖, 加入水, 座熱水拌勻。
4) 牛奶加蜂蜜, 加入3)
5) 甜忌廉打起, 加入4), 倒入模內, 雪2-3小時至硬身。
6) 朱古力用熱水座溶, 加入唧袋, 在蛋糕表面唧出喜愛圖案。


備註
1) 今次用了6g魚膠粉, 出來效果較軟身, 建議增加魚膠粉份量較佳。


6"蜂蜜芝士蛋糕