Tuesday, November 20, 2012

特色甜品店 @ 西灣河太安樓


我呢個新界人, 好日都唔會去一次西灣河, 仲要留喺喥食晚飯, 真係唔知食咩好, 好彩有人介紹我地去西灣河熟食中心, 好耐未試過大排檔, 小菜勝在咩都有, 又唔駛加一, 兩個人3個餸都係百零蚊。食完仲四圍出去搵甜品食。

人生路不熟, 四圍都見唔到有甜品鋪, 諗住走入太安樓睇下, 好彩又搵到間其貎不揚既甜品鋪, 見到個menu啲甜品都幾特别, 最緊要係有我鍾意既渣泎, 仲要有唔同口味添, 我就叫左個南瓜渣泎, 鍾意佢有趙口之餘又唔太甜, 啱我!


南瓜味渣泎


我老公叫咗個西米露, 食完見到有隻好特別既餅, 叫做台灣車輪餅, 有四種唔到味道:紅豆, 朱古力, 奶油同?? (唔記得添), 我地叫咗朱古力同奶油味。其實好似格仔餅咁, 只係形狀不同, 饀料又不同, 咁又成為一樣新甜品喇!

台灣車輪餅
台灣車輪餅 ~ 賣
相就一般啦!


奶油味車輪餅


朱古力味車輪餅








1 comment: