簡易Tiramisu (連食譜 ~ 沒有酒精的老少咸宜版)

由於工作關係, 做蛋糕的時間也少了, 只是趁著一些特別日子才決心要做一做, 但也要選些簡單的來做, 好像Tiramisu咁, 想食又不用花時間, 唯有買啲預拌粉, 仲可以同埋個女一齊整, 實行上堂親子課。

呢款Tiramisu為了令小朋友都啱食, 把rum酒改了美祿, 其實咩味都可以, 只是咁啱屋企有樽美祿粉。之前買了一包手指餅, 分開兩次用, 老公生日同女兒一齊整, 效果唔錯, 決定媽媽生日再整, 因實在太方便了。


材料 (6吋份量)

Tiramisu慕絲預拌粉   100g
淡忌廉                        500g
水                                100ml
美祿                            一杯
手指餅                        一包
可可粉                        適量

做法

1. 預拌粉加水拌勻
2. 淡忌廉放入預先雪過的大碗內, 用攪拌器打起(約8乘), 與1.拌勻
3. 用保先紙包好蛋糕模底部
4.手指餅掃上已沖調好的美祿, 放在蛋糕模上, 把2倒入
4. 冷藏約2-3小時, 最後洒上可可粉即成

My Melody 蛋糕

這個蛋糕是給女兒的生日蛋糕, 用了8吋海綿蛋糕做底

8" 海綿蛋糕

材料：

蛋黃, 蛋白  4只
糖  50g
奶  60g
菜油  30g
低筋粉  70g (已篩好)
檸檬汁  數滴

預備：一個真實尺寸的melody紙樣

裝飾：
甜忌廉 約300-500g (己忘記用了多少)
色素  適量
生果 (可做餡料及裝飾)



做法：

1) 預熱焗爐 180度
2) 先把蛋黃及油拌勻
3) 蛋白加入檸檬汁用打蛋器打至起泡, 分3次, 每次加入1/3糖後打至糖溶化後再加第二次, 最後打至企身 (倒轉也不會溜出)
4) 把少許2)加入1)中
5) 再把3)加入餘下的2)
6)  下粉, 拌勻, 最後加奶拌勻, 入模焗 20-30分鐘
7)  焗好後放涼, 把紙樣放在蛋糕面, 沿著外圍切成一個melody面型,  中間横切開二至三片, 中間加甜忌廉及生果粒


備註：
此蛋糕用了兩個8"蛋糕組合而成, 製成品約有10"x11"

麪包超人馬卡龍 【卡通馬卡龍食譜】

材料

馬卡龍
蛋白 25g
砂糖 15g
杏仁粉 25g
糖粉 35g

裝飾蛋白霜

蛋白 15g
糖粉 100g
紅色食用色素 2滴
朱古力  10g

餡料
果醬/ 朱古力

做法

馬卡龍
1) 先打起蛋白, 分2次加入砂糖, 打至企身；
2) 加入篩過的糖粉, 杏仁粉, 拌勻；
3) 焗炉用140度預先預熱；
4) 蛋白糊放入吱袋吱出圓形, 放室溫45分鐘風乾, 又或用風筒吹乾至啞身；
5) 放 入焗炉用140度焗5分鐘, 再轉120度焗12分鐘, 放涼；

裝飾
6) 蛋白, 糖粉拌勻, 加入色素, 放入吱袋, 隨意在放涼的馬卡龍上吱出图案。
7) 朱古力坐熱后, 放入吱袋, 隨意吱出图案。

塗上餡料

8) 在一塊吱上图案的馬卡龍上塗上果醬或朱古力, 與另一塊沒有吱上图案的馬卡龍合上, 即成。

朱古力馬卡龍 (實戰中)

做了好幾次, 只有兩次成功, 比較似樣。都是在网上找的食譜, 非常簡單, 份量少, 就算失敗咗, 可以做多幾似都唔怕"side"料。

冇跟足原著食譜, 減少了糖同糖霜, 冇咁甜, 食譜還在改良中, 希望遲啲再upload上黎。

父親節蛋白糕 Father's Day Cake (哈哈笑芝士蛋糕)

这個迷你芝士蛋糕特別送给老公的父親節礼物，本來諗住做个有多D顏色既，但系冇咩时间，做住个简简单单既哈哈笑先啦!

4吋蜂蜜芝士餅材料
忌廉芝士  82g
糖 20g
甜忌廉 90g
牛奶150g
蜂蜜 15g
魚膠粉 6-8g
糖 4g
水 35g
芝士餅碎 40g
牛油 20g


做法

1) 將餅碎加入已溶的牛油混合, 壓在蛋糕模內, 放入雪櫃雪一會備用。
2)  忌廉芝士加糖拌勻, 至軟身冇粒粒。
3) 魚膠粉加糖, 加入水, 座熱水拌勻。
4) 牛奶加蜂蜜, 加入3)
5) 甜忌廉打起, 加入4), 倒入模內, 雪2-3小時至硬身。
6) 朱古力用熱水座溶, 加入唧袋, 在蛋糕表面唧出喜愛圖案。


備註
1) 今次用了6g魚膠粉, 出來效果較軟身, 建議增加魚膠粉份量較佳。


6"蜂蜜芝士蛋糕

3D牛奶熊蛋糕 (白色鬆弛熊蛋糕)

今次只係做塊面, 預先Print定個公仔頭, 對住黎做, 十分成功。

材料

8"海綿蛋糕

蛋白, 蛋黃, 各4只
砂糖  50g (個人喜歡少糖, 原來食譜60g)
奶 60g
菜油 30g
低筋粉 70g
檸檬汁  幾滴

裝飾&餡料
甜忌廉 (餡) 100g
甜忌廉 (裝飾) 150g
朱古力 少許
食用色素 幾滴
金奇異果/ 士多啤梨

做法

海綿蛋糕

1) 預熱焗炉 170度；

2) 蛋白先加入幾滴檸檬汁, 打至起泡, 加1/3糖, 分3次加入餘下的糖, 打至企身；

3) 蛋黃加菜油拌勻, 加入蛋白漿, 拌勻。

4) 低筋粉預先篩好, 加入蛋黃漿, 用手動打蛋器慢慢拌勻

5) 最後加入牛奶, 輕輕拌勻, 放入模內, 焗20-30分鐘。

6) 蛋糕待涼後, 切成三片, 沿著預先print好的公仔字樣外形剪成公仔頭形。

餡料

1) 甜忌廉打至企身；

2) 先把一片蛋糕放底, 塗上忌廉, 加上生果片, 再加另一片蛋糕在上, 繼續塗忌廉及喜愛既生果片, 面層加上蛋糕片；

3) 全個蛋糕查上忌廉, 放入雪櫃需至硬身。

裝飾

1) 甜忌廉打至企身；

2) 取出少許加上紅色色素至淡粉色, 放入唧袋, 唧出耳朵

3) 取出少許白色忌廉, 唧出口部。

4) 其餘忌廉加上少許啡色色素(或溶了的朱古力), 唧出其餘部份。

5) 最后, 用朱古力做眼及鼻, 放在蛋糕面上即成

3D比卡超蛋糕 (芒果布甸餡)

比卡超是老公最愛既卡通人物, 記得前年生日, 我也是做了一個比卡超頭蛋糕比佢, 不過上次初學有朋友幫手, 今次係自己攪掂。個餡特別用了佢最愛既芒果布甸, 仲特別加左大大舊芒果肉, 結果佢居然嫌啲芒果太大舊喎! >:<




材料

8"海綿蛋糕
蛋白/蛋黃  4只 (蛋白與蛋黃分開)
低筋粉 70g
砂糖   50g
奶  60g
菜油 30g
檸檬汁數滴

 芒果布甸
淡忌廉 150g
椰奶  100g
水 250g
糖 100g
魚膠粉 13g
芒果 2 個 (一個打茸, 一個切粒)

裝飾忌廉
甜忌廉 200g
黑朱古力 60g
白朱古力 少許
糖膠 少許
紅色色素 3滴


工具

6"立體半圓球模  1個
8" 圓蛋糕模  1個

蜂蜜芝士蛋糕 (玫瑰花裝飾 - 母親節版)

這個是送給自己的母親節蛋糕

材料 (6"模)

餅底

芝士餅碎 60g    牛油 30g

餡料
忌廉芝士 165g     砂糖 25g    蜂蜜  30g
淡忌廉  180g        牛奶 300g
魚膠粉 12g  砂糖 8g   水 70g

裝飾奶油

牛油 75g     糖霜 30g     檸檬汁  1 tbsp

做法

1) 將餅碎加入已溶的牛油混合, 壓在蛋糕模內, 放入雪櫃雪一會備用。
2)  忌廉芝士加糖拌勻, 至軟身冇粒粒。
3) 魚膠粉加糖, 加入水, 座熱水拌勻。
4) 牛奶加蜂蜜, 加入3)
5) 淡忌廉打起, 加入4), 倒入模內。
6) 牛油放至軟身, 加入糖霜打發至鬆身, 再倒入檸檬汁調製成檸檬牛油忌廉。放入唧袋, 唧成喜愛圖案。

兩款味道既3D孖鷄仔蛋糕

適逄老公同姑姐同日生日, 特別做了這一款孖鷄仔蛋糕, 知道表妹唔鍾意食芒果, 故做了兩款不同餡料, 小鷄用了士多啤梨, 大鷄用芒果, 咁就個個都啱食了。

今次用的份量只夠做一個5"及一個4"直徑既鷄仔, 如想做大啲, 要加大份量了。我用了一個球體模, 每個半球體分別倒上蛋糕漿,想做兩個不同大小的鷄仔就要分別倒不同份量的蛋糕漿。

工具

一個6吋的球體蛋糕模

材料

兩個海綿蛋糕
蛋白 3 只
蛋黃 3只
糖 50g
低筋粉 60g
菜油  22g
牛奶 45g
檸檬汁 3-4滴


裝飾及餡料


芒果一個
士多啤梨 適量
甜忌廉  250g


打蛋白的秘訣

失敗的3D鬆弛熊蛋糕

本來無諗住整鬆弛熊蛋糕, 就係因為女兒亂up up 話整鬆弛熊蛋糕比姑婆, 所以就整咗。第一次嘗試整全身立體版, 真係有難度, 做出黎真係唔滿意, 似貓多啲。歸究失敗原因 (如下), 下次一定會好好多。

材料

朱古力海綿蛋糕 


(7"x11"模)
蛋黃  3只/  菜油 20g  /  蜜糖 20g
蛋白  3只/ 糖 50g/ 低筋粉 35g/  朱古力粉 10g/ 檸檬汁 少許


(6"圓形模)
蛋黃  2只/  菜油 20g  /  奶  30g
蛋白  2只/ 糖 30g/ 低筋粉 45g/  檸檬汁 少許


朱古力忌廉 (裝飾用)
甜忌廉 200g   朱古力  100g  牛奶 30g

原味忌廉 (用作餡及少黃色白色裝飾)
甜忌廉 300g


朱古力脆脆
脆脆米  /  朱古力      隨意


成品


以上材料做出成品 9"(L)x 3"(W) x 5"(H)


注意事項

1) 忌廉要打至企身, 尤其用作批cream的, 如底層cream 不穩, 面層裝飾cream 便很易塌下。
2) 唧cream 时室內溫度不要太高, 最好開冷氣進行。
3) 可能是用朱古力脆脆做餡, 所以朱古力忌廉吃起來較甜 (本人口味較清), 可用一半淡忌廉代替。
4) 今次由於蛋糕盒的大小所限, 不能做太高, 如可以做高一奌, 鬆弛熊的面部會較易掌握。


打蛋白的秘訣

黑糖蘋果玉桂蛋糕

因為女兒學校教學專題係水果, 而又被編入蘋果組別, 需要家長協助準備有關蘋果的食物回校分享, 故近期不停造了許多蘋果蛋糕, 鬆餅等食物。单是蘋果蛋糕, 已先後做了3-4個, 吃蛋糕也吃怕了, 可是沒有一個滿意, 做出來總是很實的感覺, 真的不知哪裡出現問題。

在網上找到的蘋果蛋糕食譜, 都是用牛油蛋糕做的, 不知為什麼蘋果要配牛油蛋糕呢, 可能是蘋果屬較硬的水果, 口感與牛油蛋糕較夾吧！

材料：

• 蘋果 1個 (可用青蘋果)
• 黑糖 1湯匙
• 玉桂粉1茶匙
• 檸檬汁 2湯匙
• 牛油（奶油，置室溫中軟化）120g
• 雞蛋（室溫） 2隻
• 低筋麵粉180g
• 黑糖 80g
• 蘋果汁50g

做法：

1. 把焗爐預熱至 160C. 準備一個 8”蛋糕盤。（四面可以圍著baking paper方便脫模）。
2. 蘋果去皮和核，切片。用黃糖，玉桂粉和檸檬汁拌勻，備用。
3. 把軟化的牛油打至忌廉狀, 呈奶白色。
4. 分數次加入糖打發，至糖完全溶解。
5. 然後雞蛋逐隻加入拌勻，必須完全混合。
6. 篩入麵粉。用膠刮輕輕拌入牛油混合物中, 最後加入蘋果汁拌勻。
7. 把粉漿倒進蛋糕盤內。用匙羹撥平表面。隨自己的喜好，鋪上蘋果片。
8. 放入預熱的焗爐中，160C焗約30分鐘，或直至表面金黃色。用牙簽或針斜插入蛋糕裏面，如果沒有粉漿黏著，即是熟透。拿出焗爐，待5分鐘後，蛋糕脫模放在鐵架上待完全放涼。或暖吃，就更滋味無窮啊！

Reference recipes:

http://hk.knowledge.yahoo.com/question/question?qid=7008120800663
http://www.christinesrecipes.com/2009/05/spiced-apple-cake.html#ixzz1q2lz0Z5k

鮮果蛋糕

呢個蛋糕做得好匆忙, 早上開始做, 晚上便要捧出外食飯, 所以用了最簡單又穩陣既材料。

8吋海綿蛋糕

雞蛋 4 只 (蛋白和蛋黃分開)

低筋粉 120g

糖 100g

菜油 30g

牛奶 50ml

1) 預熱焗炉 170度；

2) 打白打至起泡, 加1/3糖, 打至一分鈡內, 再下1/3糖, 再在一分鈡內, 下餘下的糖, 繼續打至企身；

3) 蛋黃加菜油拌勻, 加入蛋白漿, 拌勻。

4) 低筋粉預先篩好, 加入蛋黃漿, 用手動打蛋器慢慢拌勻

5) 最後加入牛奶, 輕輕拌勻, 放入模內, 焗20-30分鐘。

6) 蛋糕待涼後, 切成三片, 備用。

饀料

甜忌廉 300ml

奇異果, 士多啤梨, 火龍果 (切片) 適量

杏仁片 適量

1) 甜忌廉打至企身；

2) 先把一片蛋糕放底, 塗上忌廉, 加上火龍果片, 再加另一片蛋糕在上, 繼續塗忌廉及喜愛既生果片, 面層加上蛋糕片；

3) 全個蛋糕查上忌廉, 最後在鋪生果在面上, 圍邊鋪上杏仁片。

備忘：

1) 每次查忌廉也不是很成功, 可能是天氣熱, 忌廉很容易變軟, 下次要開冷氣做, 相信效果會較好。

2) 今次我先把蛋白放入冰箱雪凍才開始打, 上堂時教會效果好些, 但不知是不是這個原故, 打蛋白時很快便打至光身, 沒有企身泡浨的階段, 故今次效果不是很滿意, 下次用室溫打試一試有沒有這個問题。

熊貓生日蛋糕

女兒生日, 本來諗住整個Hello Kitty蛋糕比佢, 問佢想要咩生日蛋糕, 出乎意外地答要熊貓生日蛋糕, 好彩都係黑白二色, 可以朱古力攪掂, 上網搵咗啲相參考, 就係咁就構思咗呢個生日蛋糕。

今次都有啲小意外, 唔係太順利, 呢個蛋糕係要用一個長方形海綿蛋糕加一個圓形蛋糕結合而成, 即要焗兩次, 不過我就焗咗3次, 第一次整衰咗, 而忌廉又唔夠, 要第二日至可以完成埋抆cream個部驟, 加上天氣突然轉熱, 一路唧cream, 啲cream一路溶, 最後要開冷氣, 時間比預期中耐, 好彩最後都趕得切係生日會一個鐘前完成, 出來效果都算唔錯, 唯一美中不中是忘記整個 "3"字, 本來諗住用藍莓黎砌個"3"字, 但因太匆忙而忘記了, 最後要叫爸爸買個"3"蠟蠋補數。

今次寫住咁多, 遲啲至post 個recipe上黎先。

椰汁紅豆糕 (再次失敗)

整咗兩次, 都仲係唔成功。第一次, 大菜未完全溶解, 紅豆未煮淋, 未煮至全部杰身便入模; 第二次, 是過大火, 煮到個煲底 "隆"咗, 攪到成盒紅豆糕變咗黃黃地色, 仲有"隆"味添。下次一定要成功！

材料

• 紅豆 60-80g
• 大菜絲 6g
• 水 600ml
• 糖 100g
• 椰汁 200ml
• 花奶 65g
• 粟粉 50g
• 鹽 少許

做法

1. 紅豆洗淨, 浸過夜；
2. 紅豆用滾水煲15-20分鐘, 冚蓋焗20分鐘, 過篩盛起備用。
3. 煲滾水, 放下大菜, 用中火煮溶, 確保完全溶解, 才下糖及鹽。
4. 棷汁, 花奶及粟粉拌勻後, 用篩隔渣倒入大菜溶液內, 轉慢火, 不斷攪拌, 避免煲薩。
5. 放下紅豆, 煲至杰身, 倒入模內, 待涼, 雪2-3小時即成。

備註

a)煮紅豆後要冚蓋焗, 令紅豆更易淋, 如還未夠淋, 可重覆2)直至淋為止。

b)煮大菜時不要先放糖, 要待大菜完全溶解後才下糖, 否則大菜不能煮溶, 會起絲。

c) 把粟粉漿倒入煲內要立即轉細火, 不停攪拌, 否則會痴底。

d) 放下粟粉漿時可用篩隔一隔, 可做出滑滑紅豆糕。

黑糖綠茶紅豆卷蛋

今次第二次整蛋卷, 參考咗上次經驗, 減少糖, 味道啱啱好, 只是仲未卷得好實, 切開啲饀見到有窿, 要繼續努力

材料(10"x10"模)

蛋黃 3只

蛋白3只

菜油15g

蜜糖15g

黑糖 45g

低筋粉40g

綠茶粉5g

甜忌廉70g

紅豆茸 適量

做法

1) 先預熱焗爐至170度。

2) 打蛋白至起泡, 放1/2 糖, 慢打, 於一分鐘內放下餘下的糖, 打至見到鷄公尾 (僅僅不滴)

3) 蛋黃, 蜜糖與菜油稍為拌勻, 加入1) 蛋白漿內；

4) 加入已篩麪粉, 用手動打蛋器拌勻 (攪拌動作前後不超過8次)；

5) 打蛋漿倒入模內,焗170度約20分鐘

6) 取出蛋糕放涼, 甜忌廉打起,

7)剪裁大於蛋糕的保鮮紙一張, 把蛋糕於在保鮮紙上；

8) 把忌廉塗勻蛋糕面, 然後塗紅豆茸, 再加多層忌廉在紅豆茸上；

9) 利用保鮮紙, 由一邊開始卷起, 卷至蛋卷形, 把保鮮紙再緊緊壓實, 待蛋卷成形即成。

備註

1) 加了蜜糖可令蛋糕入口軟滑, 雪凍後也不會變硬

2) 黑糖可用砂糖代替, 綠茶粉也可隨個人喜好用其他材料替代, 如可可粉, 玉桂粉等。

4"海綿蛋糕 (分蛋法) - 第一次成功

試過好多次, 但每次都嫌唔夠鬆化, 經過呢幾個月黎四圍拜師之後, 今次終於整到一個自己滿意, 最緊要連老公都話好既海綿蛋糕。

4吋蛋糕模份量

材料：

鷄蛋 2 只 (蛋黃與蛋白分開), 糖 30g, 低筋粉 40g, 菜油10g, 奶20g (今次冇落)

做法：

1) 先預熱焗爐至170度。
2) 打蛋白至起泡, 放1/2 糖, 慢打, 於一分鐘內放下餘下的糖, 打至見到鷄公尾 (僅僅不滴)
3) 蛋黃與菜油稍為拌勻, 加入1) 蛋白漿內；
4) 加入已篩麪粉, 用手動打蛋器拌勻 (攪拌動作前後不超過8次)；
5) 打蛋漿倒入4"模內,焗170度約20分鐘

南瓜糯米糍 (迷你版)

呢個甜品係專為Halloween Party而學整, 喺網上搵咗呢個南瓜糯米糍食譜參考, 但由於時間關係, 個"定"無整到, 個樣都似似地既! 第一次試整就跟足份量做, 發覺個出黎個size較大, 所以到正式時就整咗個迷你版, 一啖入口都得, 呢個size覺得啱啱好。

材料：（16個份量）
ａ）南瓜 180克　糯米粉 80克　粘米粉 20克　糖 1湯匙　水 適量　油 1茶匙　
ｂ）紅豆沙100克

做法：
1．南瓜去皮，入微波爐丁熟，壓成南瓜蓉。
2．將ａ的糯米粉、粘米粉、糖及油加入搓成南瓜粉糰(如感到乾就加水搓) 。
3．南瓜粉糰分成16份備用。
4．紅豆沙分成16份，包入南瓜粉糰內，搓圓，掃少許油，用刀背壓出南瓜紋。
5．在蒸籠內排好，水滾後隔水蒸10分鐘即成。

椰汁凍糕 (失敗之作)

見有啲鮮奶剩番少少, 就整啲野用埋去, 參參考咗之以website整咗呢味椰汁凍糕, 睇佢材料少少, 好似好簡单, 其實好有難度, 第一次整就失敗咗, 賣相零分, 不過味道尚算可以。

材料 :

鮮奶 ................ 200毫升

椰漿 ................ 200毫升

粟粉 ................ 32克

清水 ................ 25ml

砂糖 ................ 40克



做法 :

1) 把椰漿和鮮奶混和。

2) 另把 2 湯匙水與粟粉混合，成糊狀。

3) 椰漿、鮮奶和糖一起放入煮食鍋內煮熱至沸點，然後 倒入粟粉糊內，不停攪拌，以免起粒。

4) 用文火煮約 10分鐘， 攪拌至粉糊狀，雪凍

難度：

最難就係將椰奶漿加入粟米糊時, 如何令粟粉不會起粒, 我諗要慢慢加會好啲, 我一下子就加晒, 一加落去已然起晒粒粒, 攪極都冇用 :(

各款椰汁糕食譜參考