茄汁燴倉魚

一直很少食魚, 怕下骨, 唔知點解昨天行街市, 心血來潮想食魚, 記得簡易食譜有得教, 就跟住整, 真係又簡单又好味, 本人就非常滿意。

材料：

倉魚 1塊

番茄（切塊） 2個

蒜蓉 1茶匙

鹽 適量

胡椒粉 少許

片糖 1小片（甜度視乎個人喜好）

水 1/2杯

蔥粒 酌量

獻汁：

• 生抽 2茶匙
• 茄汁 2湯匙
• 水 2湯匙
• 粟粉 1茶匙
• 喼汁 1茶匙

做法：

1. 洗凈倉魚，用廚房紙吸乾水份。兩面灑上適量的鹽和胡椒粉，並輕輕撲上少許粟粉。
2. 用中慢火煎香魚柳至兩面金黃色及熟透。盛起備用。
3. 燒熱油鑊，下蒜蓉爆香，加番茄炒勻。下適量的鹽兜勻。加水和片糖，煮滾（煮開）後，蓋好，繼續煮至汁收乾一半，番茄熟，但不要煮至太爛。埋獻。
4. 最後把番茄汁淋在倉魚上面，酒上蔥粒即成。

參考：簡易食譜 - 茄汁燴烄魚

南瓜糯米糍 (迷你版)

呢個甜品係專為Halloween Party而學整, 喺網上搵咗呢個南瓜糯米糍食譜參考, 但由於時間關係, 個"定"無整到, 個樣都似似地既! 第一次試整就跟足份量做, 發覺個出黎個size較大, 所以到正式時就整咗個迷你版, 一啖入口都得, 呢個size覺得啱啱好。

材料：（16個份量）
ａ）南瓜 180克　糯米粉 80克　粘米粉 20克　糖 1湯匙　水 適量　油 1茶匙　
ｂ）紅豆沙100克

做法：
1．南瓜去皮，入微波爐丁熟，壓成南瓜蓉。
2．將ａ的糯米粉、粘米粉、糖及油加入搓成南瓜粉糰(如感到乾就加水搓) 。
3．南瓜粉糰分成16份備用。
4．紅豆沙分成16份，包入南瓜粉糰內，搓圓，掃少許油，用刀背壓出南瓜紋。
5．在蒸籠內排好，水滾後隔水蒸10分鐘即成。

粟子蚊排骨

經過街市有去皮粟子賣, 貪得意買咗半磅, 跟住買埋排骨, 試吓整粟子蚊排骨先。喺网上搵到啲食譜, 原來好簡單, 第一次整, 連唔鍾意食排骨既老公都話好味道呀！
材料：

排骨 約$20
粟子 半磅
薑 兩片

排骨調味：
生抽、糖、生粉、麻油

獻汁：

水 350ml
鹽 1/4茶匙
糖 1/2茶匙
生抽 1茶匙
老抽 1茶匙做法：

1) 排骨洗淨, 用調味料醃半小時。

2) 粟子肉洗淨, 瀝乾

3) 起鑊下油下排骨炒至半熟, 盛起。

4) 下油下薑炒香, 下粟子炒一會加献汁, 用中火煮約十分鐘, 加入排骨, 再蚊多40分鍾左右至粟子淋, 即成。


參考以下兩個食譜而成：

http://blog.yahoo.com/_IOYQIMOXKQY4WKM4KTA4JYJFPM/articles/106153

http://www.cytss.edu.hk/debbie/food/cmain27.htm

做法:

1抽及糖醃一會，然後加生粉、油及麻油再多醃一會．

2). 粟子買回來如未去皮的話,可以放於平碟上沿邊排放成環,放入微波爐用高火加熱2分鐘,粟子皮與肉分離,用手指一捺皮便可脫出．

3). 起鑊下油燒紅後下排骨炒至半熟鏟起．洗淨鑊落油燒紅後下薑炒香便下粟子及陳皮,炒一會再加水（水的份量最好是剛過粟子面），用中火炆約十分鐘後下排骨，再多炆約40-45分鐘至至粟子冧便可上碟．

清蒸肉碎豆腐

材料:

• 豆腐 200克
• 豬肉碎 100克
• 雞蛋 1隻
• 蔥粒（裝飾用）酌量

醃料:

• 生抽（醬油） 1茶匙
• 糖 ½茶匙
• 粟粉（玉米粉） 1茶匙
• 鹽 1/4茶匙
• 胡椒粉 少許

做法:

1. 先把豆腐用廚房紙，或用乾淨毛巾吸乾水分。用大匙羹壓爛。
2. 加入豬肉碎，雞蛋和調味料拌勻。鋪平一碟中。
3. 放入鑊中，用大火隔水蒸約 12至15分鐘。時間視乎所用的碟的大小而定。豬肉碎轉色，即熟透。灑下蔥粒。趁熱享用。

食譜來源： <簡易食譜>

煎薯餅

睇完電視教整薯餅, 好似唔難做, 好想試下, 材料好簡單。

材料：

薯仔　2個
素腸/ 臘腸 　2條
芝士　2塊

洋葱 (切粒) 半個
葱 (切粒) 適量

做法：
﹝1﹞　大鍋中放入約 1 公升的水，沸水後放入薯仔, 煮約15分鐘至半熟。 把薯仔去皮, 刨絲, 備用。
﹝2﹞　原本版本是用臘腸, 我以素腸代替。素腸、芝士、洋葱、葱等切粒, 放入薯絲, 用手拌勻所有材料。
﹝3﹞　下油, 把薯絲放下熱油上, 用鍋鏟壓平薯絲形成餅形, 煎至一邊金黃後，反轉再煎, 至兩面金黃, 上碟。

菜譜參考：都市閒情 - 今晚食物餸 Annie

玉豆金菇小炒

材料：

玉豆 (切小段) 1 扎

金菇 1包

素香腸 (切粒) 2塊 (可改免治肉或午餐肉)

調味：

沙茶醬 1 tbsp

豉油 2 tsp

水 1tbsp

做法：

1. 下蒜頭, 下油, 炒玉豆至略琳

2. 加入金菇 , 略炒, 最後加入素腸, 下調味, 炒至汁滲入所有材料, 即成。

白汁蜆肉螺絲粉

第一次自己整白汁, 只係用咗牛奶, 效果都唔錯, 最緊要係大老細都話個汁好味, 女女都好捧場, 食得出加咗奶, 一面食一面講: 呢啲奶奶黎咖。

材料：

螺絲粉　250 克

鹽﹝煮麵用﹞　適量

橄欖油　2 tpsp匙

蒜茸　1 tbsp

洋蔥　1/4 個 (切絲)

蜆肉﹝不連殼﹞　80 克

粟米粒 隨意

鮮府竹 隨意

牛奶　一杯半

麵粉　2 茶匙

做法：

﹝1﹞　大鍋中放入約 3 公升的水，沸水後放入螺絲粉, 煮至淋后瀝乾。

﹝2﹞　以小火燒熱平底鍋後，放入橄欖油、蒜茸及洋蔥炒一會, 再加入蜆肉，炒至半熟。

﹝3﹞　加入牛奶。滾后加入粟米粒, 然后鮮付竹, 用麵粉混入半杯開水中，加入鍋中, 煮至開始收水, 最后加鹽調味。

﹝4﹞ 將白汁淋於螺絲粉上上碟。

XO醬雜菜炒烏冬

因為無加肉, 所以特別用XO醬加重調味, 食落果然好野味。連老公都話: 點解無肉都咁好食既。

材料

烏冬 4包

青紅黃椒 各1/2個 (切絲)

金菇 100g (1 包)

蛋 1只

調味

1) 鼓油 適量

2) XO醬 1湯匙, 蠔油 1湯匙, 糖 1茶匙, 水 3-4湯匙

做法

1) 燒滾熱水, 放入烏冬浸一浸, 瀝乾備用。

2) 下油, 放烏冬炒一會, 加入調味1) 。

3) 加入三色椒, 金菇, 炒至淋身, 再加入蛋, 最後加調味2)及適量麻油。

玉豆瑤柱蛋白炒飯

突然想食炒飯, 本來只係諗住整瑤柱蛋白炒飯, 不過有包玉豆喺喥放咗幾日, 索性炒埋去, 就炮製咗呢味玉豆瑤柱蛋白炒飯。

材料

玉豆 6-8條

白米2杯

乾瑤柱2粒

蛋白3只

調味

鹽適量

做法

1) 乾瑤柱洗淨浸水約一小時, 撕碎並置於浸瑤柱的水中備用。

2) 白米洗淨, 將瑤柱連水和白米一同置於電飯煲內, 加入適量清水, 煮至飯熟。把瑤柱飯用大碗盛起, 待涼後備用。

3) 鷄蛋打破後, 把蛋白跟蛋黃分隔, 保留蛋白置於碗中備用。

4) 玉豆洗淨, 切粒, 下油, 把玉豆炒至半熟, 放下已涼了的瑤柱飯, 加入蛋白, 炒勻, 最後下鹽調味,。

參考書: 衛生署-健康蔬菜食譜